انا دبت وجزمتي نعلها داب
من كتر التدوير ع الاحباب
يا سلاملم لو اعتر ف حبيب
دا انا ارقص من كتر الاعجاب
واتنطط واتعفرت واترقص
كدهوه كدهوه كدهوه
انا قلبي مزيكا بمفاتيح
من لمسة يغنيلك تفاريح
مع اني ما فطرتش وجعان
ومعذب ومتيم وجريح
باتنطط واتعفرت واترقص
كدهوه كدهوه كدهوه
بيانولا وألابندا وحركات
اطلعي بقى يا نصاص يا فرنكات
انا عازمك يا حبيبي لما الاقيك
على فسحة في جميع الطرقات
نتنطط نتعفرت نترقص كدهوه
كدهوه كدهوه كدهوه
كلمات: صلاح جاهين
ألحان: سيد مكاوي
ليست هناك تعليقات:
إرسال تعليق