الشوارع حواديت

الشوارع حواديت
حواديه الحب فيها
وحودايه...عفاريت
اسمعي يا حلوة لما اضحكك

الشارع دا كنا ساكنين فيه زمان
كل يوم يضيق زيادة عن ما كان
اصبح الآن بعد ما كبرنا عليه
زي بطن الأم مالناش فيه مكان

الشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك


الشارع دا رحنا فيه المدرسة
اللي باقي منه باقي
واللي مش باقي...اتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت

والشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك

الشارع دا أوله بساتين
وآخره حيطة سد
ليا فيه قصة غرام ماحكيتش عنها لأي حد
من طرف واحد...وكنت سعيد أوي
بس حراس الشوارع حطوا للحدودته حد

الشوارع حواديت
حودايه الحب فيها
وحودايه...عفاريت
اسمعي يا حلو لما أضحكك

الشارع دا شفتك إنتي ماشية فيه
لابسة جيب...وبلوزة وردي
وعاملة ديل حصان وجيه
اتجاهك اتجاهي...مشينا ليه
والشارع دا زحام وتيه
بس لازم نستميت
والشوارع حواديت
حودايه الحب فيها
وحودايه...عفاريت
واضحكي يا حلوة لما اسمّعك


شعر: صلاح جاهين
لحن: هاني شنودة
بالاشتراك مع صلاح جاهين

هناك 9 تعليقات:

اخر ايام الخريف يقول...

شاركونى الاحتفال بمولد العظيم صلاح جاهين هنا:

http://reeeshkalam.blogspot.com/2008/12/blog-post_24.html

اوراق قديمة يقول...

لا اجد الكلمات المناسبة التىتعبر عن حبى لجاهين منذ ان كنت صبية صغيرة ينادينى عبر صوت منير قائلا يا بت يامو المريلة كحلى حتى الان وهو يعبر عنى لانة ببساطة عاش من اجلنا

اعقل مجنونه يقول...

انا بعشق شاهين
http://kot-cha.blogspot.com/

Mo7ammed يقول...

تسلم ايدك بجد

انا ضيفتك عندى
http://zaglosha3waza.blogspot.com/

عالم التجارة الإليكترونية يقول...

بسم الله الرحمن الرحيم
شكرا على الإلبوم والكلمات الجميلة

seopop يقول...

كلمات مضيئه من استاذ
http://forums.onlyategypt.com/index.php

مُخٌتَلِف دوت كوم يقول...

كلما ترددت هذه الكلمات من الشوارع حواديت أتذكر كل إنسان قابلته او ركبت معه و فضفض معي و لمجرد إنصاتي له و توجيهه فقط لما فيه الخير يقول لي ياه الدنيا لسه بخير الحمد لله .. حقيقي الشوارع حواديت و لكل واحد حكاية

Rehab_ElHakeem يقول...

جاهين كتله من الأحاسيس .. شكرا علي المجهود الرائع

marina يقول...

كنت اتمنى رئيس لمصر لة مشاعر جاهين تجاة هذا الشعب اللة يرحم جاهين على قدر ماشعر بنا واسعدنا